on099.com

網上相關訴苦/投訴 post 十分多，尤其是匯豐/恆生出既卡，以及填過信用卡資料比 klook，agoda 兩大旅遊平台，及 thaiticketmajor (TTM) 泰國 fans meeting/演唱會售票平台者，幾乎人人中招！

典型個案及處理辦法：

https://www.threads.com/@untold._.14/post/DdMUStFGqm_

"見到好多人中招 分享吓我自己嘅做法
22:05 收到SMS
22:06 打上HSBC HOTLINE 已Cut Card
22:43 順手上埋電子報案中心電子報警
而家等聽朝九點打去Apple hold起張單
滙豐嗰邊同我講要等交易爭議小組六至八個星期調查之後先通知到個結果
因為我嗰張係扣賬卡 Debit Card 戶口嘅可用結餘已經係被扣咗帳剩返嘅錢 大嗱嗱成萬蚊喺戶口冇咗"

https://www.threads.com/@antifraud.hk/post/DdMQ2yFEyfE

"... 有盜刷集團趁 iPhone 開售，利用盜刷信用卡購買 iPhone，並將收貨地址填為騙徒指定地址。
這類盜刷集團通常會直接購買 1 部 1TB/2TB 的 iPhone Pro Max，務求讓 Apple 盡快排單出貨。
如發現信用卡突然收到 $16,799 / $21,999 或異常的高額扣數訊息，請即時聯絡銀行凍結交易，入app 鎖卡，並向 Apple 官方申報，再報警"

https://www.threads.com/@tae_tae_tae_t/post/DdMalJTGsMu

即時處理手法：必做三步驟

1. 立即凍結或中止卡片（最重要）手機 App 自助鎖卡：現時多間銀行（如渣打銀行、滙豐銀行等）的網上銀行或流動應用程式均設有「一鍵鎖卡」或「暫停卡片」功能。 請第一時間登入 App 將卡片鎖上。

2. 致電熱線熱線報失：如無法使用 App，請立即致電發卡機構的 24小時報失卡熱線，明確指出有未授權交易，要求即時 Cut 卡（取消卡片）並補發新卡，以防損失進一步擴大。

3. 填寫並提交「爭議帳款聲明書」主動向銀行申請清查帳目，確認哪些款項非本人交易。 要求銀行將該筆未授權交易列為「爭議帳款」（Disputed Charge），並索取、填妥及交回相關的爭議交易表格（例如恒生銀行申報表、滙豐爭議交易表格）

https://www.threads.com/@lookurcard/post/DdMmJ3fEvum

銀行一般會暫停信用卡嘅交易並進行調查
期間相關簽賬金額你係唔需要俾住
你亦都可以要求客服安排重發信用卡
新卡大部分情況都會安排新嘅卡號碼比你
所以啲自動轉賬就要自己再安排過

銀行Dispute 大概會用4－8星期調查
如果調查完成就會電郵覆你
亦會確認你洗唔洗為該筆交易負責

你亦可以選擇將信用卡『無卡交易』功能關閉
或者調低『無卡交易』嘅限額以策安全

最新消息，匯豐及恆生大部分信用卡卡主最多中招外，所有虛擬銀行信用卡被盜用的情況也十分嚴重。

mtr wrote: ↑Sat Sep 12, 2026 11:44 pm 網上相關訴苦/投訴 post 十分多，尤其是匯豐/恆生出既卡，以及填過信用卡資料比 klook，agoda 兩大旅遊平台，及 thaiticketmajor (TTM) 泰國 fans meeting/演唱會售票平台者，幾乎人人中招！

https://www.threads.com/@murmur.around/post/DdNg8DBj-dv

好多年前做過信用卡系統，記得幾步措施。

首先係防止盗用，就係都啲先知系統，反映社會上發現嘅唔正常交易行為之類。咁當payment request時，黑名單商户就會直接Reject。低啲風險嘅，就會要求3D secure。

另外，睇商户睇交易類型，都會睇埋客戶嘅消費行為。例如都一段時間，客戶突然去金鋪買嘢，信用卡公司係會自動跳掣，甚至係會有銀行打電話畀你係咪都買嘢。

信用卡交易係多方授權系統，除咗銀行，商鋪本身都要符合一系列要求去判定風險情況去强制客人是否要加強認證。

聽完之後，你會發現國際知名公司，如Apple咁，係咭組織面前係强勢。佢哋發起交易，好多時假設咗係低風險。社會上大規模碌咭，都係正常現象。客戶曾經突然買、買好多部iPhone，亦都好正常。

所以一般大數據形式嘅措施係防止唔到。再加上近年好流行完全冇銀行金融經驗嘅 UX designer，强調客戶體驗，但毫無金融風險常識嘅人。由佢哋主導業務創新，所以好多銀行出事。

其實今次事件，當係社會教育，反思一下係咪由啲UX designer 捉幾個用户做研究，就當性經改曬啲安全措施。

https://www.threads.com/@kwjy2/post/DdNZq7DiV6Q

... 一般大少少金額嘅網上商店，都會開3D Secure，即係付款嘅一刻，會要你開銀行app approve個transaction（幾年前做法就係會叫銀行send SMS code）

呢個基本上係各大商舖都會做嘅嘢，因為盜用要charge back其實商舖都好麻煩。

唯獨是Apple唔知點解啦，可能係要sell一個「唔麻煩it just works」嘅experience啦，幾萬蚊嘅交易都唔用3D Secure

咁咪出事囉，人哋啲罪犯時不時就拎到信用卡資料洩漏㗎啦，你又disable晒啲安全措施 情況就好似：你明知電話實名制後，詐騙電話滿天飛，但係你又唔用spam block，反而係全部電話自動接聽

https://www.threads.com/@tomy.mrtumi/post/DdNaZvDk0dR

3D Secure 每筆交易都要向發卡機構 (VISA / Master / AE 等) 俾一筆手續費，逐單計唔貴嘅，不過佢哋全球每日咁多單交易加埋都有幾十萬美金嘅成本

連佢哋自家嘅 Apple Card 都冇 3D Secure (得 Apple Pay 內建嘅 3D Secure 級保安) 你都知佢哋幾着緊呢筆錢

https://www.threads.com/@canwehaveabett ... dNF5ptEy8u

見到好多人被盜用信用卡買iphone，我分享下我嘅經歷：

當時係賣緊iphone 17系列，我張卡係恒生卡，本身冇買iphone，一向就算千幾蚊嘅網上無卡簽帳都要喺app確認。

開售第二朝有恒生職員打電話俾我，問我係咪買咗一部iphone，我話冇。佢話有筆萬幾蚊嘅數，如果唔係我簽就幫我hold住，cut埋卡，叫我**打去apple叫佢哋唔好出貨同埋報警**。我問個職員明明平時無卡簽帳要確認，點解今次冇任何通知？佢解釋係因間有人訂電話時填錯我嘅信用卡號碼，但最後冇成功付款。

Apple查到張單係冇成功付款，所以冇編排出貨，叫我放心。

警方嗰邊亦話會查。

銀行補發新卡冇收我錢。

最後結果係我嗰筆數用咗近一個月先void到，個信用額一直俾佢hold咗成個月。

今日見咁多單，我就懷疑唔係有人入錯卡號咁簡單。