https://www.facebook.com/IFC89/
2024-04-11
1.講一單盡力申報病歷，仍然被保險公司抽秤，令到事主目前身陷財務險境嘅故事。
2.Marco嘅66歲爸爸喺2023年3月買咗一份自願醫保靈活計劃，每年保費約1.6萬元，年保障額500萬元，佢自覺protection好足夠。
3.不幸地，佢爸爸同年8月確診腦癌，即時進行電療加化療，10月頭申請咗pre-approval獲30萬元實報實銷額。
4. 可能因為early claim同賠償額較高關係，保險公司開始調查佢爸爸病歷。幾個月後，保險公司作出驚人決定，就係拒賠70萬元，兼追討已賠嘅30萬元，再terminate張保單。
5.保險公司嘅理由，就係話Marco爸爸冇報到2019年至2021年喺西營盤馬會診所睇背痛（back pain）嘅7次問診紀錄，大概每年兩次，認為呢個係material mis-statement（重大失實陳述）。
6.Marco大為震驚，佢幫爸爸買嗰時，已經將所有醫健通病歷紀錄告訴保險公司，例如高膽固醇、濕疹、骨質疏鬆等等。
7.當中骨質疏鬆原因，正正係因為Marco爸爸當時腰背痛去照X光發現到，當時仲補電郵講明爸爸喺該西營盤診所有定期health check及提供X光照片，依家竟然話漏報背痛求醫紀錄。情況就好似申報咗鼻咽癌，但保險公司抽秤你冇申報流鼻血一樣。
8.佢盡力用醫健通將爸爸所有病歷申報，不能話佢沒有抱住最高誠信（utmost good faith）。
9.保險公司或者覺得自己唔好彩，交咗兩年保費就中咗個百萬賠償，槓桿率成30倍，但呢個或然率本身喺核保階段就應該price in的。
10.事主一家非常徬徨，因為保險賠償本身有time lag，好多醫藥費從借錢而來，已經批出嘅賠償30萬元要一個月內歸還，兼70萬元賠唔到，頓時進退失據。
11.呢個係影響緊一個家庭嘅真實故事，好想知道呢間保險公司更加詳細嘅解釋，包括骨質疏鬆診斷時出現嘅病徵同保險公司所指未披露嘅「背痛」問診紀錄，究竟分別喺邊？
12.保險公司只係例牌回應，指一直按照相關合規程序審批索償。若投保時未有披露可能影響承保決定的重要資料，或會重新審視保單。為保障客戶私隱，恕未能公開評論。
13.信諾，事主其實唔介意你公開解釋，我希望你及時行動，應賠則賠，避免摧毁一個家庭。
保險版東張西望
-
mtr
- Posts: 73
- Joined: Thu Oct 30, 2014 4:05 pm
Re: 保險版東張西望
2024-04-19
1. 早前寫Marco的故事，好多人關心佢末期腦癌爸爸被拒賠事件後續，到底漆黑中會否出現曙光？現實係暴風雨從未停止。
2.保險公司上周五回覆Marco，話搵到更多未披露「重大事實」，包括2017年、2018年爸爸睇街症時分別指出眼朦及有飛影、最終判斷輕微白內障；2020年至2021年有3次頭痛紀錄，兩次因為飲完酒。
3.由成功預批，到突然被拒賠，保險公司只話爸爸未有披露背痛覆診紀錄（其實已申報腰背痛引致骨質疏鬆）；然後Marco上訴時，突然又有新嘅拒賠原因，話多咗兩個「老人病」話未有披露，成個過程令人瞠目結舌。
4.Marco指出，長者定期去街症唔係因為真係要覆診，而係每次佢都會幫你約下一個期，有咩頭暈身㷫都講下，然後連「視力差咗」、「酒後hangover」都當成重大事實。
5.佢指出作為投保人，已經盡最高誠信同責任披露，醫健通有嘅資料就提出畀保險公司，連爸爸大腸癌篩查報告報告都畀埋，依家竟然玩到咁細。
6.Marco陷入絕望邊緣後，喺昨天第二次上訴會議上，保險公司有備而來——提出預先批核30萬元不再追討，但拒絕為餘下約70萬元賠償負責及拒絕作出保單復效。
7.其實，保險公司接受Marco爸爸醫療方案，並預先批核30萬元後作出電場治療後，公司註冊護士稍後亦指出之後可以喺私家醫院先行付款、再做索償，已經改變Marco醫療決定。
8.所以佢先決定向銀行借錢，尋求私院治療爸爸；就算保險公司呢一刻不追收30萬元，仍有之後延伸嘅貸款，「彈弓手」已經足夠令佢處於財務絕境。而保險公司代表在會議指：「呢個唔係我哋責任。」
9.而且，預先批核方案以及往後借錢醫病嘅安排，已經令佢爸爸錯失申請慈善基金嘅機會。
10.其實，持牌保險公司批出賠償然後「彈弓手」收返，究竟是否合理及道德？拒賠原因原本得背痛（事主已經申報骨質疏鬆），突然又話多兩個病冇報，是否對保單持有人公平？
11.或者，長者本身就不應該買保險，因為活了六十多歲總有小病，總可以話你未披露，買完甚至令自己及家人身陷險境。
12.保險公司表示，正就保單事宜繼續與有關客戶跟進，恕未能作更多補充。
13.Marco仍然未放棄爭取賠償，仍然努力為父親獲得最好的醫療，事件尚未完結。信諾，請為一位病人負上責任，為一個家庭負上責任，為一個承諾負上責任。
1. 早前寫Marco的故事，好多人關心佢末期腦癌爸爸被拒賠事件後續，到底漆黑中會否出現曙光？現實係暴風雨從未停止。
2.保險公司上周五回覆Marco，話搵到更多未披露「重大事實」，包括2017年、2018年爸爸睇街症時分別指出眼朦及有飛影、最終判斷輕微白內障；2020年至2021年有3次頭痛紀錄，兩次因為飲完酒。
3.由成功預批，到突然被拒賠，保險公司只話爸爸未有披露背痛覆診紀錄（其實已申報腰背痛引致骨質疏鬆）；然後Marco上訴時，突然又有新嘅拒賠原因，話多咗兩個「老人病」話未有披露，成個過程令人瞠目結舌。
4.Marco指出，長者定期去街症唔係因為真係要覆診，而係每次佢都會幫你約下一個期，有咩頭暈身㷫都講下，然後連「視力差咗」、「酒後hangover」都當成重大事實。
5.佢指出作為投保人，已經盡最高誠信同責任披露，醫健通有嘅資料就提出畀保險公司，連爸爸大腸癌篩查報告報告都畀埋，依家竟然玩到咁細。
6.Marco陷入絕望邊緣後，喺昨天第二次上訴會議上，保險公司有備而來——提出預先批核30萬元不再追討，但拒絕為餘下約70萬元賠償負責及拒絕作出保單復效。
7.其實，保險公司接受Marco爸爸醫療方案，並預先批核30萬元後作出電場治療後，公司註冊護士稍後亦指出之後可以喺私家醫院先行付款、再做索償，已經改變Marco醫療決定。
8.所以佢先決定向銀行借錢，尋求私院治療爸爸；就算保險公司呢一刻不追收30萬元，仍有之後延伸嘅貸款，「彈弓手」已經足夠令佢處於財務絕境。而保險公司代表在會議指：「呢個唔係我哋責任。」
9.而且，預先批核方案以及往後借錢醫病嘅安排，已經令佢爸爸錯失申請慈善基金嘅機會。
10.其實，持牌保險公司批出賠償然後「彈弓手」收返，究竟是否合理及道德？拒賠原因原本得背痛（事主已經申報骨質疏鬆），突然又話多兩個病冇報，是否對保單持有人公平？
11.或者，長者本身就不應該買保險，因為活了六十多歲總有小病，總可以話你未披露，買完甚至令自己及家人身陷險境。
12.保險公司表示，正就保單事宜繼續與有關客戶跟進，恕未能作更多補充。
13.Marco仍然未放棄爭取賠償，仍然努力為父親獲得最好的醫療，事件尚未完結。信諾，請為一位病人負上責任，為一個家庭負上責任，為一個承諾負上責任。