政改一鑊粥之後

政治吹水最緊要和平
Post Reply
User avatar
京.
Posts: 557
Joined: Tue Oct 28, 2014 3:53 pm

政改一鑊粥之後

Post by 京. »

笑就笑埋呢幾日,真正的戰鬥先開始
中共唔係未打過敗仗
佢地試過比國民黨清黨
試過比國民黨打到幾乎全滅
國共內戰,東北四平街之役,孫立人幾乎消滅林彪四野軍

每次敗仗之後,中共都可以及時調整,四平街之役過左唔夠兩年,中國東北已經係四野天下,打到共軍死死下的新一軍,新x軍,成個編制比四野食埋(係吞併唔係全滅)
同樣
呢次政改遭遇前所未有的政治滑鐵爐,唔代表阿公會就此放棄

依我愚見
往後發展會係:
阿公會一如以往,先放棄與敵人鬥爭,解決左內部矛盾,將累事份子鬥臭,重新組織,過程需時半年至一年 (特首推遲創科局已經係訊號)
於對家收買/安插大量耳目,收集敵情,甚至影響對手的戰略,將對手誘入預設圈套,一舉消滅(一於國共內戰)
區議會選舉繼續動員鐵票能力,加上政改一役,引入左唔少親建制新血,先保現有地盤,再謀求少量蠶食對手地盤,但不會大勝(以示以弱)
立法會選舉之前,將會運用旗下方向系,煙仔系,以及新成立的張溶系傳媒,向敵對勢力發動醜聞戰,最有可能係發動桃色醜聞戰
對財力、人力不強,但動員力厲害的「本土派」,使用間諜戰,挑起他們內部不和,同樣發動醜聞戰,令他們失去公眾支持:就如去年對付本地左派一樣
立法會選戰將會係阿公的主戰場,用阿公一貫的手法,必以「最後一戰」之決心,將泛民本土勢力打至一沉不起,目標當然係立法會三分二議席,令行政立法兩權得以整合
為保存失去的面子,下屆特首將會係梁振英

至於如何處置「六一八之柒」的罪臣,一陣再講
User avatar
京.
Posts: 557
Joined: Tue Oct 28, 2014 3:53 pm

Re: 政改一鑊粥之後

Post by 京. »

今次「六一八之柒」的敗因,係建制力量過於分散,指揮權不一......

過去阿公為左替「比例代表制」補鑊,將親中政權分為若干兵團,有九七前留低的「禮義廉」,有傳統親兵「供完會」,有扮中產打公民袋的「新民袋」,仲有從自由黨收編番來的「驚民聯」,當然仲有小股游擊如「鼠王芬」,以包圍分票之勢搶奪比例議席,用盡每一鐵票力量

經過多年演練,阿公配票的手段已經出神入化。要配給誰,配幾多票,完全有數可計(奈何其手下,連「過半數」都唔識計!)。加上政改一役,阿公又在民間建立了若干民團力量,又成為新的票源。我認為阿公已經唔需要再巧立名目,再製造「扮中立政團」。加上「六一八之柒」,亦暴露各紅色政團各懷鬼胎,指揮不一,行動未能互相配合的弱點。周星馳有云:不如溝埋做賴尿牛啦笨!我認為,阿公正有可能採用「賴尿牛丸」戰術,將「禮義廉」「新民袋」「驚民聯」同「鼠王芬地方民團」整合成超級政黨(供完會係老牌子,有保留價值),出戰立法會乾脆以「民記A」「民記B」「民記C」名單上陣,日後於立法會成為「超級執政黨」,將指揮權、領導權歸於統一。到時老大要帶隊走,嘍囉們焉能不跟?

為左整合,現有的「政團老大」自然要人頭落地,其手下就歸屬「大一統民記」所有。鋒仔,掃把頭,鼠王等小頭目, 阿公隨時籍「六一八之柒」,將佢地一一處分,迫離政界(鋒仔同掃把所以喊到咁大聲,我唔信佢地係100%做戲),鼠王可能好一點,因為佢本來就冇什麼個人實力/地盤,或者會併入「大一統黨」,坐個副主席、常委之類。謙仔下場都唔會太好,事關阿公最驚就係「大」,成立「大一統黨」,萬一領導有異心,帶頭反面仲麻煩。所以新成立的「大一統黨」,絕明不能有能人異士當之﹗老曾講明做埋呢屆,歸隱山林;老譚老矣,來年應該引退;江華做了垃圾桶,可以不理。唯獨係謙仔,係黨中僅有的前朝大老,今次「六一八之柒」,群熊竟對佢馬首是瞻,可見其江湖地位。今次佢帶頭起事失敗,正好係清算良機,將呢個老人家都清算下野,然後由火候未夠的瓊子BB坐上教主之位。阿公就可以名正言順,在背後指點江山,與特首行政權作戰略性控制,則香港行政立法之權,盡歸中央手中矣!!

另外,雨傘運動出現大量民間新勢力,阿公當年就係由呢d小團練打起,所以阿公亦最忌佢地﹗所以,來年戰場在議會內,更在議會外﹗

明天我又會估下,阿公對民間勢力將有什麼拆解方法......
User avatar
trytrysin
Posts: 1700
Joined: Wed Oct 29, 2014 10:30 am

Re: 政改一鑊粥之後

Post by trytrysin »

:) :) :)
User avatar
Gundam
Posts: 1096
Joined: Mon Oct 27, 2014 8:46 pm

Re: 政改一鑊粥之後

Post by Gundam »

:-bd :-bd :-bd
User avatar
nomed
Posts: 544
Joined: Tue Oct 28, 2014 9:10 pm

Re: 政改一鑊粥之後

Post by nomed »

之前有人話阿公咁香港普選係唔想其他地方有樣學樣
不過今次上面既新聞大大聲話泛民反對普選
似乎唔怕內地人知wor

我睇阿公真心想解決問題
反而學曾肉成話齋
佢地放低唔到心魔

另外睇番唔同人既講話
之前梁愛思等人其實幫香港講左好多好說話(想行比較溫和路線)
但係感覺上今次係比班土共玩大左
先黎831,再黎tear gas
最後仲8:28
User avatar
chhanthony
Posts: 181
Joined: Tue Oct 28, 2014 6:45 pm

Re: 政改一鑊粥之後

Post by chhanthony »

其實共產黨今次輸咗啲乜?
香港有無普選對佢地嚟講有咩價值?
國際上對香港嘅普選聲音對共產黨做成咩嘅實際壓力?
個人唔覺得習近平有時間去理埋啲二三線城巿嘅政制問題。
User avatar
京.
Posts: 557
Joined: Tue Oct 28, 2014 3:53 pm

Re: 政改一鑊粥之後

Post by 京. »

今次阿公先用左「大和田式」處理
先安撫下跪認錯的議員
但咁一安撫,葉劉等已經變成無牙老虎,直接d講,變成一隻看門狗而已!

不過以阿公的往常鬥爭方法
「先安撫,後鬥爭」似乎係佢一貫的手段

佢應該會借勢要下跪議員供出更多報告(即係互篤),一來掌握更多黑材料
二來用作下年清算之用

另一方面,我都係認為阿公會用「政黨整合」呢一招,唔搞咩「建制派」,直接搞一個「保皇黨」
User avatar
京.
Posts: 557
Joined: Tue Oct 28, 2014 3:53 pm

Re: 政改一鑊粥之後

Post by 京. »

另外,就算政改如阿公的劇本推演,不過係多左一招「票債票償」的大旗
查實有冇呢支旗,鐵票機器總會成功消除議會反對勢力(你估政改冇投票就冇鐵票,傻啦!)

阿公的下一個戰場,反而係反國教以來,冒起得最快最大的民間勢力

最早的左翼派已經收左皮,學聯拆散左,佔中三子潛水,有名有姓有錢的團體幾乎玩完

再下一個目標,就係遊擊隊式的「學民」,長期在社運前線企下的長毛,仲有反政改時,突然冒起的「專業界別青年團體」

而阿爺今次的打手,主力會係「陳雲」,副手會係「人民力量」

戰場將會係fb,高登,香港討論區等網上媒體

梁特「愛字頭」呢d街頭戰士應該會收一收,進攻主力會係更龐大的網上五毛隊
Post Reply