【書展倪匡專訪】料國教失敗:英皇道叫共產黨道都冇用

歡迎開開心心齊吹水
Post Reply
逼咸
Posts: 9708
Joined: Sat Nov 01, 2014 12:14 am

【書展倪匡專訪】料國教失敗:英皇道叫共產黨道都冇用

Post by 逼咸 »

Image

料國教失敗:英皇道叫共產黨道都冇用

國家主席習近平將推愛國教育重任交特首林鄭月娥,但倪匡斷言終將失敗收場,只因對中央來說愛國等如愛黨,但共產黨員在港卻身份神秘「鬼頭鬼腦,你叫人點愛國」,而且就算去殖「把英皇道叫做共產黨道都冇用」,因港人早已揭穿其真面目。

「香港有人講至少有50萬黨員,但唔公開身份。我最唔明共產黨員,你咁偉大光榮正確,點解喺香港要咁鬼頭鬼腦,要隱藏自己嘅身份?」他諷刺共產黨員如此「隱隱閉閉」又怎可成功令港人愛黨愛國。

對於去殖,他也嗤之以鼻,「推行唔到嘅,例如而家有間中學叫聖乜乜乜中學,係殖民地嘅名嚟吖嘛,你喺呢間中學讀,日日唱國歌:『起來』升旗,有鬼用?」不過,他說就算改掉富殖民地色彩的名稱,也無濟於事,「維多利亞公園叫愛國公園,英皇道叫做共產黨道,都冇用。因為香港人幾十年嚟睇到你所有衰相,你而家忽然間要四川變面,你去扮正人君子,人哋都知道你(真面目)嘛」。

他笑言最佩服中聯辦一女保安員,因據報一次中聯辦前示威活動中,「佢對掉抗議物品入嚟嘅抗議人士,大聲話『我怕你們呀?我是中國共產黨黨員,我怕你們呀?』得佢一個人承認!(舉起大姆指)真係威呀」。

中國第一艘航空母艦遼寧號早前訪港,駐港部隊指是讓港人上一課愛國主義教育,但對倪匡來說只是笑話,「我覺得好好笑,航空母艦係軍艦嚟,你嚟香港做咩啫,香港有仗打咩?釣魚島畀日本人佔咗,你駛去釣魚島附近,啲㗎佬仲唔走?嚟香港耀武揚威,你話滑唔滑稽?等於一個大隻佬對住自己老婆咁樣(作大力士狀),你有咩用啫,你要對住敵人吖嘛」。


Image

嘲CY當眾拆穿習總謊言,未夠班做共產黨員

「梁振英真係唔係共產黨員」這個傳了5年的傳言,作家倪匡本也曾相信,但最近終一錘定音斷然否定,只因這位前任特首「政治觸覺太遲頓」早前於國家主席習近平前「洩漏國家機密」,拍馬屁指香港五年來成績只因獲「習主席指點同領導」,變相當眾拆穿中央讓港人治港的謊言。

特首選舉已塵埃落定,結果如倪匡早前所說「無懸念」,林鄭月娥大熱當選。他受訪時稱「香港而家咁嘅局面,任何人嚟做特首都一樣,你都係聽上面話。林鄭係公務員,選佢嚟做,因為你聽話吖嘛。」林鄭會否為港人爭取利益?他秒答:「除非果啲嘢係中央同意嘅,中央唔同意嘅佢一定唔會做」。

對現任特首無興趣多談,倪卻主動談起前特首梁振英,6月29日陪國家主席習近平向本港官員講話時表現,「佢當住習主席講㗎,過去五年香港所有嘅成績,都得到習主席指點同領導。習主席嘅面幾黑呀,哈哈。你即係穿我煲啫,我話港人治港,你話係我領導」。

電視當日也有作現場直播,梁振英發言後走向習主席並似伸出手,習卻別過臉去,「習主席最後唔同佢握手,梁振英伸隻手出嚟幾尷尬呀。哈哈。呢啲嘢好大鑊㗎其實,對共產黨嚟講,好似當年趙紫陽被貶落嚟,就係佢同戈爾巴喬夫(前蘇聯領導人)講,『我哋國家大事,鄧小平雖然唔話事,但係我哋乜都要請示佢㗎。』你講呢啲係洩漏國家大秘密吖嘛,你話明港人治港,你點可以洩漏習主席領導嘅大秘密呢」。

再加上梁氏伉儷出醜被趕出飛機,及以往種種行為,他斷然否定了一個傳了五年的傳言,「梁振英真係唔係共產黨員,政治觸覺太遲頓喇。黨員應該受過訓練,唔應該講呢啲話嘛,如果佢係黨員,佢係一個唔合格嘅黨員。」
User avatar
sorry
Posts: 520
Joined: Wed Nov 12, 2014 12:33 pm

Re: 【書展倪匡專訪】料國教失敗:英皇道叫共產黨道都冇用

Post by sorry »

倪匡 :-bd :-bd :-bd
ImageImageImageImage
User avatar
alexchrome
Posts: 1636
Joined: Tue Oct 28, 2014 3:56 pm

Re: 【書展倪匡專訪】料國教失敗:英皇道叫共產黨道都冇用

Post by alexchrome »

呢個偽老頭要拉去打把




我爱共产党 **== **== **== **== **==
Image
Post Reply